BS berrikuntza-komunitateak lan-eremu praktikoak dira, eta proiektu partekatuak sustatzera, emaitza zehatzak sortzera eta lankidetza-modu berriak irekitzera bideratuta daude, Euskadik enpleguaren eta inklusioaren arloan dituen erronkei erantzun berritzaileak emango dizkieten gaien inguruan.

2026an, BS laborategiak antolatuko ditugu, gainerako eragileekin lehen ideia horiek partekatzeko. Ideia horiek baliagarriak izango dira trakzio-proiektuak sarean garatzeko. 

Berritzelan Sarea osatzen duten erakundeak laborategi horietan parte hartzera gonbidatzen ditugu: 

• Interes osagarriak dituzten erakundeekin konektatzeko. 
• Irismen eta bideragarritasun handiagoko proiektu estrategikoak batera sortzeko. 
• Tresna eta praktika berritzaile aplikagarriak ikasteko. 
• Lankidetza-aukerak identifikatzeko. 
• Erakundeak berrikuntzaren eragile aktibo gisa posizionatzeko. 

BS berrikuntza-komunitate horietan parte hartzeko orientabide batzuk aurkezten dizkizugu.