Ikerketaren esparruan, interesgarritzat jo dugu jakitea ea lanbide-heziketako ikastetxeek 4.0 industriarekin, fabrikazio aurreratuarekin eta halakoekin lotutako proiektuetan parte hartzen duten. Inkestan parte hartu duten ikastetxeen % 50ek erantzun du halako proiektuetan parte hartu duela.

4.0 proiektuetan parte hartzea

Hona hemen, labur-labur, ikastetxeek parte hartu duten proiekturik garrantzitsuenak: INTERNET OF MACHINE (Tknikarekin batera): elkarreragingarritasuna eta konektagarritasuna 4.0 industrian. Lantegi adimendunetarako bidean; Zelula robotizatuak diseinatu, muntatu eta abiaraztea; BigDatako proiektuetako partaidetza; Sentsorika proiektua; Gordailu adimenduna; 4.0 Industria-laborategia; eta abar.

Emakume eta gizonen presentzia orekatua

Ikastetxeetako lanbide-heziketako eskaintzarik berritzaileenetan emakumeen eta gizonen presentzia orekatuta dagoen galdetu dugu. Erantzunak argiak dira: % 85ek esan du ez dagoela orekarik.

Lanbide-heziketarik berritzaileenean badago emakume eta gizonen arteko orekarik ikasleen artean?

Hona hemen partaideek eman dituzten erantzunak eta iritziak:

  • Gure industria-zikloetan emakumeak gutxiengoa dira.
  • Ikasleen % 11 eta irakasleen % 20 soilik dira emakumeak.
  • Administrazio- eta merkataritza-atalean bai, baina informatikan eta jarduera fisikoetan gehienak gizonezkoak dira.
  • Industriako zikloetan ia ez dago emakumerik.
  • Gehienak gizonezkoak dira.
  • Industriako zikloetan ia ez dago emakumerik.
  • Emakumeek ez dute presentziarik arlo industrialetan.
  • Ziklo batzuetan, ia ikasle guztiak neskak dira, eta alderantziz.
  • Arlo industrialean emakumeen presentzia oso txikia da.
  • Gizonezko gehiago dago proiektuetan, gizonezko irakasle gehiago.
  • Gizonezkoak dira gehiengo zabala.

LH eta 4.0 testuingurua: balioespena

Talde ikertzailearen ustez, galdera hori funtsezkoa da lanbide-heziketako ikastetxeen benetako sentimenduak eta errealitatea ezagutzeko, 4.0 testuingurua delakoaren araberako egokitzapenari, prestakuntzari eta konexioari dagokionez.

Ikastetxeen erantzunek aditzera ematen digute 4.0 enpresa-testuinguruarekiko prestakuntza- eta egokitzapen-maila handia dutela antolamenduan nahiz eskaintzen dituzten edukietan. Horixe adierazi dute ikerketan parte hartu duten 9 ikastetxek.