Euskadiko 4.0ari buruzko ikuspegi zabalagoa lortzeko, esparru hori indartzeko dauden laguntzak azalduko ditugu jarraian, laburbilduta. Basque Industry 4.0 proiektuaren esparruan SPRIk, Enpresa-garapenerako Euskal Agentziak, bultzatutako laguntza-ildoak dira. Ondoren zehaztuko ditugu nondik norakoak.

HAZITEK

  • Helburua: itzuli beharrik gabeko diru-laguntzak ematea, Ikerketa Industrialeko edo Garapen Esperimentaleko Proiektuak egin daitezen, nola lehia-arloan hala estrategia-arloan, Euskal Autonomia Erkidegoko enpresa-sektorean, bai eta 2020rako Euskadiko Zientzia, Teknologia eta Berrikuntzarako Planaren barruko espezializazio-esparruetan ere.
  • Erakunde onuradunak: enpresa handiak nahiz ETEak, enpresa-elkarte eta -taldeak, Zientzia, Teknologia eta Berrikuntzaren Euskal Sareko eragileak, behar bezala egiaztatuak.
  • Informazio gehiago: http://www.euskadi.eus/eusko-jaurlaritza/-/diru_laguntza/2018/hazitek-2018/

ZIBERSEGURTASUN INDUSTRIALA

  • Helburua: programa honen xedea da bultzada bat ematea Zibersegurtasun Industrialari, batik bat manufakturako enpresa industrialetako IT/OT inguruneetan (Information Technology/Operational Technology) ziberrasoetatik babesteko sistemen konbergentzia eta integrazioa lantzen duten proiektuei.
  • Erakunde onuradunak: manufakturako industria-enpresak eta industria-produktuen diseinua eta muntaketa egiten duten enpresak.
  • Informazio gehiago: https://www.euskadi.eus/y22-bopv/es/bopv2/datos/2018/06/1803174e.pdf

BASQUE INDUSTRY 4.0

  • Helburua: babesa ematea teknologi hornitzaileen teknologia (esaterako Zientzia, Teknologia eta Berrikuntzarako Euskal Sareko eragileena) manufaktura-enpresa industrialetara eramateko proiektuei, betiere Fabrikazio Aurreratuari aplikaturiko EIKTen (Elektronikaren, Informazioaren eta Telekomunikazioen Teknologien) esparruan, demostrazio-balioa dutenean eta, hortaz, lagungarri direnean EIKTen arloko I+G-ko proiektuen emaitzak azkarrago merkaturatzeko.
  • Erakunde onuradunak: banaka edo taldean proiektuak aurkezten dituzten manufakturako industria-enpresak. Taldean aurkeztuz gero, «balio-katea» sortuko duten enpresek (lankidetza-proiektuak positiboki diskriminatuko dira). Gutxienez bi enpresak aurkeztutako proiektuak joko dira lankidetza-proiektutzat.
  • Informazio gehiago: https://www.euskadi.eus/y22-bopv/es/bopv2/datos/2018/05/1802630e.pdf

EKINTZAILE

  • Helburua: laguntza eta finantzazioa ematea industriaren edo industriari loturiko zerbitzuen sektoreko enpresa-proiektu berritzaileentzat, baldin eta ideiari heltzeko edo enpresa abiarazteko fasean badaude. Ideia enpresa bihurtuz gero, baldintza berezietan eskura daitezke maileguak. Bi laguntza-mota daude:
  1. BABES-LAGUNTZA pertsona edo talde sustatzaileari, ideiaren garapen-fasetik eta Enpresa Planaren prestakuntzatik hasi eta enpresa martxan jarri arte. Laguntza fondo galdura emango da eta ez da itzulgarria izango.
  2. Enpresa Plana gauzatzeko behar diren inbertsioetarako FINANTZAKETA LORTZEN LAGUNTZEA; izan ere, araudiaren babespean eta Luzaro Kredituaren Finantza-etxearekin hitzartutako hitzarmenaren arabe­ra formalizatutako maileguen finantzaketa-kostua murriztu egingo da.
  • Erakunde onuradunak: lehenengo motako laguntzei dagokienez, pertsona fisiko zein juridikoek jaso ahal izango dituzte, baldin eta indus­triaren edo industriari loturiko zerbitzuen sektoreko enpresa-proiektu berritzaile bat EAEn martxan jartzeko asmoa badute. Bigarren motako laguntzei dagokienez, pertsona juridikoek jaso ahal izango dituzte, baldin eta ondoko baldintzak beteko dituen Enpresa Plan bat prestatzen badu­te EAEn: a) Industriaren edo industriari loturiko zerbitzuen sektoreko jarduera berritzailea izatea; eta b) gutxienez 3 enplegu sortzea 3 urtean.
  • Informazio gehiago: https://www.euskadi.eus/r47-bopvapps/es/p43aBOPVWebWar/VerParalelo.do?cd2014001770

 BIND 4.0

  • Helburua: fabrikazio aurreratuan, Smart Energyn eta Health Tech Fielden ezartzeko produktu eta zerbitzu teknologikoak dituzten startupei zuzendutako bizkortze-programa. Ekimen publiko-pribatua da eta 4.0 industriako ekintzailetza sustatzen du, erakarri, tutoretza egin eta EAEko industria-eragile nagusiekiko konexioak eskainiz.
  • Erakunde onuradunak: industria-, energia- eta osasun-alorretan teknologia berrien erabilera proposatzen duten mundu osoko startupak.
  • Informazio gehiago: bind40.com

GAUZATU INDUSTRIA

  • Helburua: oinarri teknologikoa duten edo berritzaileak diren enpresa txiki eta ertainak sortzen eta garatzen laguntzea. Kategoria hauetan egindako inbertsioetarako laguntza: jabetza industrialean eta patenteetan, aplikazio informatikoetan, lurzoru eta ondasun naturaletan, eraikuntzetan, instalazio teknikoetan, makinerian, informazio-prozesuetarako tresna eta ekipamenduetan.
  • Erakunde onuradunak: enpresa txiki eta ertainak (ETEak), baldin eta industriako ETEak badira, erauzketa-alorrekoak, eraldaketaren alorrekoak, ekoizpenekoak edo aurrekoei lotutako zerbitzu teknikoen alorrekoak, betiere oinarri teknologikoa eta berritzailea izanik. Euskal Autonomia Erkidegoan kokatutako industria-taldeen enpresa matrizeak, baldin eta, beraien egoera ekonomiko bateratua kontuan hartuta, azaldu berri diren ezaugarriak badituzte.
  • Informazio gehiago: https://www.euskadi.eus/y22-bopv/es/p43aBOPVWebWar/VerParalelo.do?cd2018003552